၂၀၂၄ ခုနှစ်၊ ဩဂုတ် ၁၀ ရက် နံနက် ၅ နာရီ ၃၀ မိနစ်ခန့်က ဧရာဝတီတိုင်းဒေသကြီး၊ ဖျာပုံခရိုင်၊ ဖျာပုံမြို့နယ်၊ မှော်ဘီကျေးရွာ၊ ဖျာပုံ-ကျုံကဒွန်း ကားလမ်းမကြီးဘေးတွင် ယာဉ်မောင်း ဦးစည်သူအောင်၏ KIA CARNIVAL 6R-XXXX (အဖြူရောင်)ယာဉ်သည် ကားစက်နိုးထားရာမှ ဘက်ထရီအပူလွန်ကဲပြီး ဝိုင်ယာကြိုးများသို့ မီးကူးစက်လောင်ကျွမ်းမှုဖြစ်ပွားကြောင်း သတင်းရရှိသဖြင့် ဖျာပုံမြို့နယ်မီးသတ်စခန်းမှ မီးသတ်တပ်ဖွဲ့ဝင်များသည် မီးသတ်ယာဉ် သုံးစီးဖြင့် သွားရောက်မီးငြှိမ်းသတ်ခဲ့ရာ နံနက် ၅ နာရီ ၅၀ မိနစ်တွင် မီးငြိမ်းခဲ့ပါသည်။
အဆိုပါ မီးလောင်မှုကြောင့် KIA CARNIVAL 6R-XXXX (အဖြူရောင်)ယာဉ် တစ်စီး မီးလောင်ဆုံးရှုံးခဲ့ပြီး လူထိခိုက်ဒဏ်ရာရရှိမှု မရှိကြောင်းနှင့် ယာဉ်မောင်း ဦးစည်သူအောင်အား ဖျာပုံမြို့မရဲစခန်းမှ အမှုဖွင့် အရေးယူထားကြောင်း သတင်းရရှိပါသည်။
