မြန်မာနိုင်ငံရဲတပ်ဖွဲ့ ဖွဲ့စည်းပုံ
- မြန်မာနိုင်ငံရဲတပ်ဖွဲ့သည် ပြည်ထဲရေးဝန်ကြီးဌာန ကွပ်ကဲမှုအောက်တွင်ရှိသော တပ်ဖွဲ့ ဖြစ်ပြီး မြန်မာနိုင်ငံရဲတပ်ဖွဲ့၏ အကြီးအကဲသည် ရဲချုပ်အဆင့်ရှိကာ မြန်မာနိုင်ငံရဲတပ်ဖွဲ့ တစ်ခုလုံးကို ဦးဆောင်ကွပ်ကဲပါသည်။ လက်ရှိဖွဲ့စည်းမှုအရ မြန်မာနိုင်ငံရဲတပ်ဖွဲ့တွင် အောက်ပါ အတိုင်း ဖွဲ့စည်းထားရှိပါသည်−
- မြန်မာနိုင်ငံရဲတပ်ဖွဲ့ဌာနချုပ်။
- လုံခြုံရေးရဲကွပ်ကဲမှုအဖွဲ့။
- နယ်ခြားစောင့်ရဲကွပ်ကဲမှုအဖွဲ့။
- တပ်ဖွဲ့များ။
- တိုင်းဒေသကြီး/ပြည်နယ်ရဲတပ်ဖွဲ့များ။
- ရဲလေ့ကျင့်ရေးကျောင်းများ။
မြန်မာနိုင်ငံရဲတပ်ဖွဲ့ဌာနချုပ်
- မြန်မာနိုင်ငံရဲတပ်ဖွဲ့ဌာနချုပ်တွင် ရဲချုပ်၊ ဒုတိယရဲချုပ်နှင့် ရဲဦးစီးဌာနကြီး၊ ရဲရေးဌာနကြီး၊ ရဲထောက်ပံ့ရေး ဌာနကြီး၊ နိုင်ငံဖြတ်ကျော် မှုခင်းဌာနကြီးနှင့် ရဲလေ့ကျင့်ရေးဌာနကြီးတို့ကို ရဲမှူးချုပ် အဆင့်များက တာဝန်ယူ ကြီးကြပ်လျက် မြန်မာနိုင်ငံရဲတပ်ဖွဲ့ တစ်ခုလုံးအား ကြီးကြပ် ကွပ်ကဲ အုပ်ချုပ်ပါသည်။
လုံခြုံရေးရဲကွပ်ကဲမှုအဖွဲ့
- ရဲတပ်ဖွဲ့ဌာနချုပ်မှ တိုက်ရိုက်ကွပ်ကဲသော လုံခြုံရေးရဲကွပ်ကဲမှု အဖွဲ့မှူးရုံး (၄)ရုံးရှိ ပါသည်။ အဆိုပါ ကွပ်ကဲမှုရုံးများကို နေပြည်တော်၊ ရန်ကုန်တိုင်းဒေသကြီး၊ မန္တလေးတိုင်း ဒေသကြီးနှင့် ရခိုင်ပြည်နယ်တို့တွင် ဖွဲ့စည်းထားရှိ၍ ရဲမှူးချုပ် တစ်ဦးစီက အနီးကပ် ဦးစီးကွပ်ကဲ ပါသည်။
နယ်ခြားစောင့်ရဲကွပ်ကဲမှုအဖွဲ့
- အမှတ်(၁)နယ်ခြားစောင့်ရဲကွပ်ကဲမှုအဖွဲ့ကို ၁ဝ-၃-၂ဝ၁၄ ရက်နေ့တွင်ဖွဲ့စည်းခဲ့ပြီး ရဲမှူးချုပ် တစ်ဦးက ကြီးကြပ်ကွပ်ကဲပါသည်။
တပ်ဖွဲ့များ
- မြန်မာနိုင်ငံရဲတပ်ဖွဲ့တွင် အောက်ပါတပ်ဖွဲ့ (၁၄)ဖွဲ့ရှိပြီး ရဲမှူးချုပ်၊ ရဲမှူးကြီးအဆင့်ရှိ အရာရှိ ကြီးများက ကြီးကြပ်ကွပ်ကဲပါသည်-
- မှုခင်းရဲတပ်ဖွဲ့။
- သတင်းရဲတပ်ဖွဲ့။
- လူကုန်ကူးမှုတားဆီးနှိမ်နင်းရေးရဲတပ်ဖွဲ့။
- ငွေကြေးဆိုင်ရာမှုခင်းတားဆီးနှိမ်နင်းရေးရဲတပ်ဖွဲ့။
- မူးယစ်ဆေးဝါးတားဆီးနှိမ်နင်းရေးရဲတပ်ဖွဲ့။
- ရထားရဲတပ်ဖွဲ့။
- ရေကြောင်းရဲတပ်ဖွဲ့။
- လေကြောင်းရဲတပ်ဖွဲ့။
- ကမ္ဘာလှည့်ခရီးသွားလုပ်ငန်းလုံခြုံရေးရဲတပ်ဖွဲ့။
- စည်ပင်သာယာရဲတပ်ဖွဲ့။ (နေပြည်တော်၊ ရန်ကုန်၊ မန္တလေး)။
- ယာဉ်ထိန်းရဲတပ်ဖွဲ့။
- အမြန်လမ်းမကြီးရဲတပ်ဖွဲ့။
- ရေနံမြေလုံခြုံရေးရဲတပ်ဖွဲ့။
- သစ်တောလုံခြုံရေးရဲတပ်ဖွဲ့။
တိုင်းဒေသကြီး/ပြည်နယ်ရဲတပ်ဖွဲ့များ
- ပြည်ထောင်စုနယ်မြေ၊ နေပြည်တော်ရဲတပ်ဖွဲ့အပါအဝင် တိုင်းဒေသကြီး/ပြည်နယ်အဆင့် ရဲတပ်ဖွဲ့ (၁၅)ဖွဲ့ရှိပြီး ဖွဲ့စည်းပုံအရ ရဲမှူးချုပ်/ရဲမှူးကြီးများက ဦးစီးကွပ်ကဲပါသည်။ ၎င်းတို့ အုပ်ချုပ် ပိုင်ခွင့် နယ်မြေအပိုင်းအခြားမှာ နယ်ဘက်အုပ်ချုပ်ရေးအတိုင်းဖြစ်ပါသည်။
ရဲလေ့ကျင့်ရေးကျောင်းများ
- ရဲအရာရှိအတတ်သင်ကျောင်း။ ရဲအရာရှိများအား စွမ်းရည်မြင့်မားတိုးတက်စေရန် မွမ်းမံသင်တန်းများ သင်ကြားပို့ချပေးပြီး ရဲမှူးကြီး တစ်ဦးက ကြီးကြပ်ကွပ်ကဲ ပါသည်။
- ရဲအရာရှိလေ့ကျင့်ရေးကျောင်း။ ရဲအရာရှိ(ဒုရဲအုပ်)များအား လေ့ကျင့်မွေး ထုတ်ပေးသောကျောင်း ဖြစ်ပြီး ရဲမှူးချုပ်တစ်ဦးက ကြီးကြပ်ကွပ်ကဲပါသည်။
- ရဲအကြပ်အတတ်သင်ကျောင်း။ မြန်မာနိုင်ငံရဲတပ်ဖွဲ့ရှိ ရဲအကြပ်များအား စွမ်းရည်မြင့်မားတိုးတက်စေရန် မွမ်းမံသင်ကြားပေးသောကျောင်းဖြစ်ပြီး ရဲမှူးကြီး တစ်ဦးက ကြီးကြပ်ကွပ်ကဲပါသည်။
- အမှတ်(၁)၊ (၂)၊ (၃)နှင့်(၄)ရဲလေ့ကျင့်ရေးကျောင်း။ အဆိုပါ ကျောင်းများသည် အခြေခံရဲပညာရပ်များအား လေ့ကျင့်သင်ကြားပေး၍ ရဲတပ်သားများ မွေးထုတ်ပေး သော လေ့ကျင့်ရေးကျောင်းများဖြစ် ပြီး ရဲမှူးကြီး တစ်ဦးစီက ဦးစီးကွပ်ကဲပါသည်။ အဆိုပါ ကျောင်းများသည် ရဲတပ်သားသစ်သင်တန်း တစ်မျိုးတည်းကိုသာ ဖွင့်လှစ် လေ့ကျင့်ပေးပါသည်။ အမှတ်(၁) ရဲလေ့ကျင့်ရေးကျောင်းသည် အမျိုးသမီးတပ်သား သစ်သင်တန်းကိုပါ တာဝန်ယူ ဖွင့်လှစ်ပေးလျက်ရှိပါသည်။
မြန်မာနိုင်ငံရဲတပ်ဖွဲ့၏ ရည်မှန်းချက်တာဝန်များ
- ပြည်တွင်းလုံခြုံရေးနှင့် ရပ်ရွာအေးချမ်းသာယာရေး။
- တရားဥပဒေစိုးမိုးရေး။
- မူးယစ်ဆေးဝါးအန္တရာယ်တားဆီး ကာကွယ်ရေး။
- ပြည်သူ့အကျိုးပြုလုပ်ငန်းများ ဆောင်ရွက်ရေး။
မြန်မာနိုင်ငံရဲတပ်ဖွဲ့၏ လုပ်ငန်းတာဝန်များ
- ပြစ်မှုမဖြစ်ပွားအောင် ကြိုတင်ကာကွယ်ရေး။
- ဖြစ်ပွားသောပြစ်မှုများကို စုံစမ်းစစ်ဆေးဖော်ထုတ် တရားစွဲတင်ရေး။
- နိုင်ငံတော်အတွင်း စည်းကမ်းသေဝပ်တည်ငြိမ်ရေး။
- ပြည်သူလူထုလုံခြုံရေး။
- မူးယစ်ဆေးဝါးနှင့် စိတ်ကိုပြောင်းလဲစေတတ်သော ဆေးဝါးများအန္တရာယ်တားဆီးနှိမ်နင်းရေး။
- ပြည်သူ့အကျိုးပြုလုပ်ငန်းများ ဆောင်ရွက်ရေး။
မူးယစ်ဆေးဝါးတားဆီးနှိမ်နင်းရေးဆိုင်ရာကိစ္စရပ်များ
- အောက်ပါအတိုင်း မဟာဗျုဟာ(၂)ရပ်၊ နည်းဗျုဟာ(၃)ရပ်၊ နည်းနာနိဿရ(၃)ရပ် တို့ဖြင့် အကောင်အထည်ဖော် ဆောင်ရွက်ပါသည်-
- မဟာဗျူဟာ (၂) ရပ်
- မူးယစ်ဆေးဝါးပပျောက်ရေးကို အမျိုးသားရေး တာဝန်အဖြစ် သတ်မှတ်၍ ဘက်ပေါင်းစုံမှ တိုက်ဖျက်ချေမှုန်းရေး။
- နယ်စပ်ဒေသနှင့် တိုင်းရင်းသားလူမျိုးများ၏ လူနေမှု ဘဝဖွံ့ဖြိုးတိုးတက်ရေး နှင့် ဘိန်းစိုက်ပျိုးမှု လုံးဝ ချုပ်ငြိမ်းပပျောက်ရေး။
-
- နည်းဗျူဟာ (၃) ရပ်
- ထုတ်လုပ်မှုပပျောက်ရေး။
- သုံးစွဲမှုပပျောက်ရေး။
- တားဆီးနှိမ်နင်းရေး။
-
- နည်းနာနိဿယ (၃)ရပ်
- မူးယစ်ဆေးဝါးစိုက်ပျိုး၊ ထုတ်လုပ်၊ သုံးစွဲသူများ၏ ယုံကြည်ချက်၊ ခံယူချက် နှင့် စိတ်ဓာတ် မြင့်မားတိုးတက်ပြောင်းလဲရေး။
- တောင်ပေါ်မြေပြန့် တိုင်းရင်းသားအချင်းချင်း လွယ်ကူစွာ ကူးလူးဆက်ဆံ နိုင်ရေး။
- နယ်စပ်ဒေသရှိ တိုင်းရင်းသားများ၏ စီးပွားရေးနှင့် လူနေမှုဘဝ တိုးတက် မြင့်မားရေး။
