ရန်ကုန်တိုင်း‌ဒေသကြီး၊ မရမ်းကုန်းမြို့နယ်၊ အမှတ်(၁)ရပ်ကွက်၊ ဘုရင့်နောင်ပွဲရုံဝန်း၊ ကံ့ကော်(၁) လမ်းသွယ်တွင် ကုန်တင်ယာဉ်မီးလောင်မှု

     ၂၀၂၄ ခုနှစ်၊ မတ် ၂၂ ရက် နံနက် ၁၁ နာရီ ၁ မိနစ်တွင် ရန်ကုန်တိုင်း‌ဒေသကြီး၊ မရမ်းကုန်းမြို့နယ်၊ အမှတ်(၁)ရပ်ကွက်၊ ဘုရင့်နောင်ပွဲရုံဝန်း၊ ကံ့ကော်(၁)လမ်းသွယ်တွင် ယာဉ်မောင်း ဦးဇော်ဇော်နိုင်၏ MGY-10/ 8E-XXXX NISSAN I ZONE အပြာရောင်(၆)ဘီး ကုန်တင်ယာဉ်သည် စက်နှိုးထားစဉ် အင်ဂျင်အပူလွန်ကဲရာမှ မီးစတင်လောင်ကျွမ်းမှုဖြစ်ပွား‌ကြောင်း သတင်းရရှိသဖြင့် မရမ်းကုန်းမြို့နယ်မီးသတ်စခန်းမှ မီးသတ်တပ်ဖွဲ့ဝင်များသည် မီးသတ်ယာဉ် ငါးစီးဖြင့် သွားရောက်မီးငြှိမ်းသတ်ခဲ့ရာ နံနက် ၁၁ နာရီ ၉ မိနစ်တွင် မီးငြိမ်းခဲ့ပါသည်။
     အဆိုပါ မီးလောင်မှုကြောင့် MGY-10/ 8E-XXXX NISSAN I ZONE အပြာရောင်(၆)ဘီး ကုန်တင်ယာဉ်၏ ရှေ့ခေါင်းခန်းနှင့် လေကာမှန်များ မီးလောင်ဆုံးရှုံးခဲ့ကြောင်းနှင့် ယာဉ်မောင်း ဦးဇော်ဇော်နိုင်အား မရမ်းကုန်းမြို့နယ်၊ ဘုရင့်နောင်နယ်မြေရဲစခန်းမှ အမှုဖွင့်အရေးယူထားကြောင်း သတင်းရရှိပါသည်။