၂၀၂၄ ခုနှစ်၊ ဧပြီ ၅ ရက် နံနက် ၉ နာရီ ၅၀ မိနစ်ခန့်တွင် မန္တလေးတိုင်းဒေသကြီး၊ ကျောက်ဆည်မြို့နယ်၊ ကံဦးရပ်ကွက်၊ ရန်ကုန် - မန္တလေး လမ်းဟောင်းဘေးရှိ ပိုင်ရှင် ဒေါ်ကြူကြူမြင့်၏ ၂၅x၄၅ ပေ၊ RC ခြောက်ထပ်နေအိမ် “အင်ကြင်းမိုး” အီလက်ထရောနစ်နှင့် အားကစားပစ္စည်းအရောင်းဆိုင်၏အပေါ်ထပ် လေးလွှာတွင် ရေခဲသေတ္တာ Safeguard အပူလွန်ကဲရာမှ မီးစတင်လောင်ကျွမ်းမှုဖြစ်ပွားကြောင်း သတင်းရရှိသဖြင့် ကျောက်ဆည်ခရိုင်မီးသတ်စခန်းမှ မီးသတ်တပ်ဖွဲ့ဝင်များသည် မီးသတ်ယာဉ် နှစ်စီးဖြင့် သွားရောက်ငြှိမ်းသတ်ခဲ့ရာ နံနက် ၁၀ နာရီ ၁၂ မိနစ်တွင် မီးငြိမ်းခဲ့ပါသည်။
အဆိုပါမီးလောင်မှုကြောင့် ရေခဲသေတ္တာ တစ်လုံးနှင့် မီးဖိုချောင်သုံးပစ္စည်းအနည်းငယ် မီးလောင်ဆုံးရှုံးခဲ့ကြောင်းနှင့် ပိုင်ရှင် ဒေါ်ကြူကြူမြင့်အား ကျောက်ဆည်မြို့မရဲစခန်းမှ အမှုဖွင့်အရေးယူထားကြောင်း သတင်းရရှိပါသည်။
