၂၀၂၄ ခုနှစ်၊ ဧပြီ ၁၂ ရက် မွန်းလွဲ ၁ နာရီ ၄၃ မိနစ်ခန့်က မွန်ပြည်နယ်၊ မော်လမြိုင်မြို့၊ အောက်ကျင်းရပ်ကွက်၊ ဘီလှိုင်ရပ်၊ ဝတ်ကြီးလမ်းရှိ အိမ်ရှင် ဦးဟုတ်ဝမ်၏ ၅၀x၁၅ ပေ၊ RC နှစ်ထပ်တိုက် အပေါ်ထပ်တွင် ယာယီသွယ်တန်းထားသောကြိုးဖြင့် အဲယားကွန်းအသုံးပြုရာမှ ကြိုးကာဗာများ အပူလွန်ကဲပြီး အနီးရှိအဝတ်အထည်များသို့ မီးကူးစက်လောင်ကျွမ်းမှုဖြစ်ပွားကြောင်း သတင်းရရှိသဖြင့် မော်လမြိုင်ခရိုင်အတွင်းရှိ မီးသတ်စခန်းများမှ မီးသတ်တပ်ဖွဲ့ဝင်များသည် မီးငြှိမ်းသတ်ယာဉ် ၁၅ စီး တို့ဖြင့် သွားရောက်မီးငြှိမ်းသတ်ခဲ့ရာ မွန်းလွဲ ၁ နာရီ ၅၅ မိနစ်တွင် မီးငြိမ်းခဲ့ပါသည်။
အဆိုပါမီးလောင်မှုကြောင့် ၅၀x၁၅ ပေ၊ RC နှစ်ထပ်တိုက်အပေါ်ထပ်ရှိ ၁၅x၂၀ ပေ အခန်း တစ်ခန်း၊ အဲယားကွန်း တစ်လုံး မီးလောင်ဆုံးရှုံးခဲ့ကြောင်းနှင့် အိမ်ရှင် ဦးဟုတ်ဝမ်အား မော်လမြိုင် မြို့မရဲစခန်းမှ အမှုဖွင့်အရေးယူထားကြောင်း သတင်းရရှိပါသည်။
