၂၀၂၄ ခုနှစ်၊ မေ ၆ ရက် နံနက် ၁၂ နာရီ ၁၅ မိနစ်ခန့်က မန္တလေးတိုင်းဒေသကြီး၊ သာစည်မြို့နယ်၊ အမှတ်(၇)ရပ်ကွက်၊ ကျွဲလည်ပင်းရပ်နေ ပိုင်ရှင် ဦးသက်နိုင်ဇော်၏ ပါဝါအီလက်ထရောနစ် ဆိုင်အနောက်ဘက်ရှိ ၃၀x၁၅ ပေ၊ သွပ်မိုး၊ ထရံကာ တစ်ထပ် အလုပ်သမားတန်းလျားတွင် ခြင်ဆေးခွေ မီးထွန်းထားရာမှ အနီးရှိစောင်သို့ မီးကူးစက်လောင်ကျွမ်းမှုဖြစ်ပွားကြောင်း သတင်းရရှိသဖြင့် သာစည်မြို့နယ်မီးသတ်စခန်းနှင့် လှိုင်းတက်နယ်မြေမီးသတ်စခန်းတို့မှ မီးသတ်တပ်ဖွဲ့ဝင်များက မီးသတ်ယာဉ် ခြောက်စီးဖြင့် သွားရောက်မီးငြှိမ်းသတ်ခဲ့ရာ နံနက် ၁ နာရီ ၁၂ မိနစ်တွင် မီးငြိမ်းခဲ့ပါသည်။
အဆိုပါ မီးလောင်မှုကြောင့် ၃၀x၁၅ ပေ၊ သွပ်မိုး၊ ထရံကာ တစ်ထပ် အလုပ်သမားတန်းလျား တစ်လုံး၊ ၂၄x၂၄ ပေ၊ သွပ်မိုး၊ နံကပ်၊ ပျဉ်ခင်း နှစ်ထပ် နေအိမ် တစ်လုံး၊ မီးလောင်ဆုံးရှုံးခဲ့ကြောင်းနှင့် အလုပ်သမား မမြမြဝင်းအား သာစည်မြို့မရဲစခန်းမှ အမှုဖွင့်အရေးယူထားကြောင်း သတင်းရရှိပါသည်။
