၂၀၂၄ ခုနှစ်၊ မေ ၁၉ ရက် မွန်းလွဲ ၁၂ နာရီ ၂၅ မိနစ်ခန့်က မန္တလေးတိုင်းဒေသကြီး၊ ရမည်းသင်းခရိုင်၊ ပျော်ဘွယ်မြို့နယ်၊ ဆွဲမာန်ကျေးရွာအနီး၊ ပျော်ဘွယ်-တောင်ကြီး ကားလမ်းဘေးတွင် ပိုင်ရှင် ဦးဆန်းမင်းဦး၏ ကော်ခုတ်စက်ရုံအတွင်း မော်တော်ဆိုင်ကယ်ကာဗာ(ကော်)အဟောင်းများ စုပုံထားရှိသည့်အမှိုက်ပုံမှ အောင်းပူဖြစ်ပေါ်ပြီး မီးစတင်လောင်ကျွမ်းမှုဖြစ်ပွားကြောင်း သတင်းရရှိသဖြင့် ပျော်ဘွယ်မြို့နယ်မီးသတ်စခန်းနှင့် ပြည်သာယာနယ်မြေမီးသတ်စခန်းမှ မီးသတ်တပ်ဖွဲ့ဝင်များသည် မီးသတ်ယာဉ် ရှစ်စီးဖြင့် သွားရောက်မီးငြှိမ်းသတ်ခဲ့ရာ မွန်းလွဲ ၁၂ နာရီ ၄၄ မိနစ်တွင် မီးငြိမ်းခဲ့ပါသည်။
အဆိုပါ မီးလောင်မှုကြောင့် မော်တော်ဆိုင်ကယ်ကာဗာ(ကော်)အဟောင်းများ မီးလောင်ဆုံးရှုံးခဲ့ပြီး ပိုင်ရှင် ဦးဆန်းမင်းဦးအား ပျော်ဘွယ်မြို့မရဲစခန်းမှ အမှုဖွင့်အရေးယူထားကြောင်း သတင်းရရှိပါသည်။
