၂၀၂၄ ခုနှစ်၊ မေ ၂၇ ရက် နံနက် ၁၀ နာရီ ၅၀ မိနစ်ခန့်က ရန်ကုန်တိုင်းဒေသကြီး၊ သန်လျင်မြို့နယ်၊ မြို့မမြောက်ရပ်ကွက်၊ သီရိလမ်းမပေါ်တွင် အမြင့်(၄၀)ပေ၊ လုံးပတ်(၃)ပေခွဲခန့်ရှိ ကျွန်းပင်သည် မိုးသည်းထန်စွာရွာသွန်းမှုကြောင့် လဲကျလမ်းပိတ်ဆို့မှုဖြစ်ပွားကြောင်း သတင်းရရှိသဖြင့် သန်လျင်မြို့နယ်မီးသတ်စခန်းမှ မီးသတ်တပ်ဖွဲ့ဝင်များသည် မီးသတ်ယာဉ်တစ်စီးဖြင့် ရှင်းလင်းရေးလုပ်ငန်းများဆောင်ရွက်ခဲ့ရာ နံနက် ၁၁ နာရီ ၂၆ မိနစ်တွင် လုပ်ငန်းဆောင်ရွက်ပြီးစီးခဲ့ပြီး အဆိုပါဖြစ်စဉ်ကြောင့် လူနှင့်ပစ္စည်း ထိခိုက်ပျက်စီးဆုံးရှုံးမှု မရှိပါကြောင်း သတင်းရရှိပါသည်။
