၂၀၂၄ ခုနှစ်၊ ဇွန် ၂ ရက် နံနက် ၄ နာရီ ၂၀ မိနစ်ခန့်က ပဲခူးတိုင်းဒေသကြီး၊ သာယာဝတီခရိုင်၊ သာယာဝတီမြို့နယ်၊ ငဖြူကလေးကျေးရွာ၊ ရွာသစ်တန်းရပ်ကွက်တွင် ပိုင်ရှင် ဒေါ်အေးအေးအောင်၏ ၁၀x၁၅ ပေ၊ သွပ်မိုး၊ ထရံကာ နွားတင်းကုပ်၌ ခြင်ဆေးခွေထွန်းရာမှ ဘေးအကာထရံသို့ မီးကူးစက် လောင်ကျွမ်းမှုဖြစ်ပွားကြောင်း သတင်းရရှိသဖြင့် သာယာဝတီခရိုင်၊ မြို့နယ်မီးသတ်စခန်း၊ သုံးဆယ် နယ်မြေမီးသတ်စခန်းနှင့် ငဖြူကလေးနယ်မြေမီးသတ်စခန်းတို့မှ မီးသတ်တပ်ဖွဲ့ဝင်များသည် မီးသတ်ယာဉ် ခုနှစ်စီးဖြင့် သွားရောက်မီးငြှိမ်းသတ်ခဲ့ရာ နံနက် ၄ နာရီ ၄၀ မိနစ်တွင် မီးငြိမ်းခဲ့ပါသည်။
အဆိုပါမီးလောင်မှုကြောင့် ၁၀x၁၅ ပေ၊ သွပ်မိုး၊ ထရံကာ နွားတင်းကုပ် တစ်လုံး၊ ၂၀x၃၀ ပေ၊ သွပ်မိုး၊ ပျဉ်ကာ၊ ပျဉ်ခင်း တစ်ထပ်နေအိမ် တစ်လုံး မီးလောင်ဆုံးရှုံးခဲ့ပြီး ပိုင်ရှင် ဒေါ်အေးအေးအောင်အား သုံးဆယ်နယ်မြေရဲစခန်းမှ အမှုဖွင့်အရေးယူထားကြောင်း သတင်းရရှိပါသည်။
