ရန်ကုန်တိုင်းဒေသကြီး၊ ရွှေပြည်သာမြို့နယ်၊ အမှတ်(၂၄)ရပ်ကွက်၊ အမှတ်(၄)လမ်းမကြီးဘေးတွင် မီးလောင်မှု

     ၂၀၂၄ ခုနှစ်၊ ဇွန် ၂၂ ရက် နံနက် ၅ နာရီ ၃၈ မိနစ်ခန့်က ရန်ကုန်တိုင်းဒေသကြီး၊ ရွှေပြည်သာမြို့နယ်၊ အမှတ်(၂၄)ရပ်ကွက်၊ အမှတ်(၄)လမ်းမကြီးဘေးတွင် ပိုင်ရှင် ဦးကြိမ်းကြိုင်၏ (၄၀x၆၀) ပေ၊ သွပ်မိုး၊ Steel Structure (၂)ထပ်ခွဲ “REMIX BEER PUB” ဘီယာဆိုင်၏ ပထမထပ်၌ Air Con နှင့် LED ဆိုင်းဘုတ် သွယ်တန်းထားသော Safeguard အပူလွန်ကဲ၍ အနီးရှိ ဂွမ်းကပ်နံရံသို့ မီးကူးစက် လောင်ကျွမ်းမှုဖြစ်ပွားကြောင်း သတင်းအရ ရွှေပြည်သာမြို့နယ်မီးသတ်စခန်းမှ မီးသတ်တပ်ဖွဲ့ဝင်များသည် မီးငြှိမ်းသတ်ယာဉ် လေးစီးဖြင့် သွားရောက်ငြှိမ်းသတ်ခဲ့ရာ နံနက် ၆ နာရီ ၅ မိနစ်တွင် မီးငြိမ်းခဲ့ပါသည်။
     အဆိုပါမီးလောင်မှုကြောင့် (၄၀x၆၀)ပေ၊ သွပ်မိုး၊ Steel Structure (၂)ထပ်ခွဲ “REMIX BEER PUB” ဘီယာဆိုင်၏ ပထမထပ်ရှိ ဆိုဖာထိုင်ခုံ လေးခုံ၊ Air Con လေးလုံး၊ LED ဆိုင်းဘုတ်နှင့် Audio စက် တစ်စုံ မီးလောင်ဆုံးရှုံးခဲ့ပြီး လုံခြုံရေးဝန်ထမ်း ဦးကောင်းထက်နိုင်အား ရွှေပြည်သာမြို့မရဲစခန်းမှ အမှုဖွင့်အရေးယူထားကြောင်း သတင်းရရှိပါသည်။