၂၀၂၄ ခုနှစ်၊ ဇွန် ၂၅ ရက် နံနက် ၁၀ နာရီ ၃၀ မိနစ်ခန့်က တနင်္သာရီတိုင်းဒေသကြီး၊ ကော့သောင်းမြို့နယ်တွင် မိုးသည်းထန်စွာရွာသွန်းမှုကြောင့် အေးမြကန်သာရပ်ကွက်၊ မနော်ဟရီ(၆)လမ်းတွင် ပိုင်ရှင် ဒေါ်စန်းစန်းအေး၏ ၂၅x၁၂ ပေ၊ သွပ်မိုး၊ ဘိလပ်မြေဘလောက်တုံးကာ တစ်ထပ် နေအိမ်၏ အနောက်ဘက်ရှိ တောင်မှမြေများပြိုကျပြီး အိမ်နောက်ဖေးမီးဖိုနံရံအကာပေါ်သို့ ပိမိမှုဖြစ်ပွားကြောင်း သတင်းရရှိသဖြင့် ကော့သောင်းခရိုင်မီးသတ်စခန်းမှ မီးသတ်တပ်ဖွဲ့ဝင်များသည် မီးငြှိမ်းသတ်ယာဉ် တစ်စီးဖြင့် ရှာဖွေကယ်ဆယ်ရေးလုပ်ငန်းများ သွားရောက်ဆောင်ရွက်ခဲ့ရာ နံနက် ၁၁ နာရီ ၂၀ မိနစ်တွင် လုပ်ငန်းဆောင်ရွက်ပြီးစီးခဲ့ပါသည်။
အဆိုပါဖြစ်စဉ်ကြောင့် အိမ်နောက်ဖေးမီးဖိုနံရံအကာ ပျက်စီးဆုံးရှုံးခဲ့ပြီး၊ ပိုင်ရှင် ဒေါ်စန်းစန်းအေး သေဆုံးခဲ့ကြောင်းနှင့် သေဆုံးသူအား ကော့သောင်းမြို့နယ်ပြည်သူ့ဆေးရုံသို့ ပို့ဆောင်ထားရှိကြောင်း သတင်းရရှိပါသည်။
