ပဲခူးတိုင်းဒေသကြီး၊ ဒိုက်ဦးမြို့နယ်၊ နေပြည်တော်-ရန်ကုန်အမြန်လမ်းမကြီး၊ မိုင်တိုင်အမှတ်(၇၈/၁)နှင့် (၇၈/၂)ကြားတွင် ယာဉ်တိုက်မှု

     ၂၀၂၄ ခုနှစ်၊ ဇူလိုင် ၁၆ ရက် နံနက် ၄ နာရီ ၅၀ မိနစ်ခန့်က ပဲခူးတိုင်းဒေသကြီး၊ ဒိုက်ဦးမြို့နယ်၊ နေပြည်တော်-ရန်ကုန်အမြန်လမ်းမကြီး၊ မိုင်တိုင်အမှတ်(၇၈/၁)နှင့် (၇၈/၂)ကြားတွင် နေပြည်တော်မှ ရန်ကုန်သို့ ယာဉ်မောင်း ဦးရဲဇော် မောင်းနှင်လာသော YGN-26 8M/XXXX TOWNACE (အဖြူရောင်)ယာဉ်နှင့် ဦးမိုးဝင်း မောင်းနှင်လာသော MDY-19 8M/XXXX Light Truck (အဖြူရောင်)ယာဉ် တို့သည် လမ်း၏ဝဲဘက် အနှေးယာဉ်ကြောတွင် ခေတ္တရပ်တန့်ထားစဉ် လားရာတူ နောက်မှ ယာဉ်မောင်း ဦးမင်းလွင် မောင်းနှင်လာသော MDY-13M/XXXX Nissan Condor အမျိုးအစား(ဖြူစိမ်းရောင်)ယာဉ်က အရှိန်မထိန်းနိုင်ဘဲ ဝင်ရောက်တိုက်မိမှုဖြစ်ပွားကြောင်း သတင်းရရှိသဖြင့် အုတ်ရှစ်ကုန်းအမြန်လမ်း မီးသတ်စခန်းမှ မီးသတ်တပ်ဖွဲ့ဝင်များသည် မီးသတ်ယာဉ် တစ်စီးဖြင့် ရှာဖွေကယ်ဆယ်ရေးလုပ်ငန်းများ သွားရောက်ဆောင်ရွက်ခဲ့ရာ နံနက် ၇ နာရီ ၂၀မိနစ်တွင် ပြီးစီးခဲ့ပါသည်။
     အဆိုပါဖြစ်စဉ်ကြောင့် YGN-26 8M/XXXX ယာဉ်ပေါ်ပါ အမျိုးသား လေးဦး၊ အမျိုးသမီး ခုနှစ်ဦး၊ ကလေး သုံးဦး စုစုပေါင်း ၁၄ ဦးအနက် အမျိုးသား သုံးဦးနှင့် အမျိုးသမီး တစ်ဦး ထိခိုက်ဒဏ်ရာ (မစိုးရိမ်ရ)၊ MDY-19 8M/XXXX ယာဉ်ပေါ်ပါ အမျိုးသား ခုနှစ်ဦး၊ အမျိုးသမီး ငါးဦး၊ ကလေး သုံးဦး စုစုပေါင်း ၁၅ ဦး အနက် အမျိုးသား တစ်ဦး နှင့် အမျိုးသမီး သုံးဦး (သေဆုံး)၊ အမျိုးသား ငါးဦး၊ အမျိုးသမီး တစ်ဦးနှင့် ကလေး တစ်ဦး ထိခိုက်ဒဏ်ရာ(မစိုးရိမ်ရ)၊ အမျိုးသား တစ်ဦး ထိခိုက်ဒဏ်ရာ(စိုးရိမ်ရ)၊ MDY-13M/XXXX ယာဉ်ပေါ်ပါ အမျိုးသား နှစ်ဦးအနက် ယာဉ်မောင်း အမျိုးသား တစ်ဦး ထိခိုက်ဒဏ်ရာ (မစိုးရိမ်ရ)တို့ အသီးသီးရရှိခဲ့ပြီး ၎င်းတို့အား အမြန်လမ်းရဲတပ်ဖွဲ့ပိုင်ယာဉ်ဖြင့် မြို့ချောင်းတိုက်နယ်ဆေးရုံသို့ ပို့ဆောင်ပေးခဲ့ကာ အမြန်လမ်းမကြီးပေါ် ယာဉ်ရပ်တန့်ရန် ခွင့်ပြုထားခြင်းမရှိသည့်နေရာ၌ ယာဉ်ရပ်တန့်ထားသော ယာဉ်မောင်း ဦးရဲဇော်၊ ယာဉ်မောင်း ဦးမိုးဝင်း (သေဆုံး)နှင့် နောက်မှဝင်တိုက်သော ယာဉ်မောင်း ဦးမင်းလွင်တို့အား အုတ်ရှစ်ကုန်း အမြန်လမ်းမကြီးရဲစခန်းမှ အမှုဖွင့်အရေးယူထားကြောင်း သတင်းရရှိပါသည်။