၂၀၂၄ ခုနှစ်၊ ဇူလိုင် ၂၀ ရက် မွန်းလွဲ ၂ နာရီ ၁၈ မိနစ်ခန့်က မကွေးတိုင်းဒေသကြီး၊ မင်းဘူးခရိုင်၊ မင်းဘူးမြို့နယ်၊ အမှတ်(၃)ရပ်ကွက်၊ ရွာမရပ်၊ ဗိုလ်ချုပ်လမ်းတွင် အမြင့် ၇၀ ပေ၊ လုံးပတ် ၇ ပေခန့်ရှိ မန်ကျည်းပင်သည် မြစ်ရေဝင်ရောက်မှုကြောင့် မြေပွ၍လဲကျပြီး လမ်းပိတ်ဆို့မှုဖြစ်ပွားနေကြောင်း သတင်းရရှိသဖြင့် မင်းဘူးမြို့နယ်မီးသတ်စခန်းမှ မီးသတ်တပ်ဖွဲ့ဝင်များသည် မီးသတ်ယာဉ် တစ်စီးဖြင့် ရှင်းလင်းရေးလုပ်ငန်းများ ဆောင်ရွက်ခဲ့ရာ ညနေ ၄ နာရီ ၅၅ မိနစ်တွင် ပြီးစီးခဲ့ပြီး အဆိုပါ ဖြစ်စဉ်ကြောင့် လူထိခိုက်ဒဏ်ရာရရှိမှု မရှိကြောင်းနှင့် ပစ္စည်းပျက်စီးဆုံးရှုံးမှု မရှိကြောင်း သတင်းရရှိပါသည်။
