၂၀၂၄ ခုနှစ်၊ ဇူလိုင် ၂၇ ရက် နံနက် ၁၁ နာရီခန့်က ပဲခူးတိုင်းဒေသကြီး၊ သာယာဝတီခရိုင်၊ သာယာဝတီမြို့နယ်၊ ညောင်နီကုန်းကျေးရွာ အလယ်ကုန်း-ဖိုးခေါင်-စံရွေးလမ်းမပေါ်တွင် အမြင့်(၅၀)ပေ၊ လုံးပတ် (၁၈)ပေခန့်ရှိ ညောင်ပင်သည် မိုးရွာသွန်းမှုကြောင့် မြေပွ၍လဲကျပြီး လမ်းပိတ်ဆို့မှုဖြစ်ပွားနေကြောင်း သတင်းရရှိသဖြင့် သာယာဝတီမြို့နယ်မီးသတ်စခန်းနှင့် သုံးဆယ်နယ်မြေမီးသတ်စခန်းတို့မှ မီးသတ်တပ်ဖွဲ့ဝင်များသည် သက်ဆိုင်ရာအဖွဲ့အစည်းများနှင့်ပူးပေါင်း၍ ရှင်းလင်းရေးလုပ်ငန်းများ ဆောင်ရွက်ခဲ့ရာ နံနက် ၁၁ နာရီ ၃၀ မိနစ်တွင် ပြီးစီးခဲ့ပြီး အဆိုပါဖြစ်စဉ်ကြောင့် လူထိခိုက်ဒဏ်ရာရရှိမှုနှင့် ပစ္စည်းပျက်စီးဆုံးရှုံးမှုမရှိကြောင်း သတင်းရရှိပါသည်။
