၂၀၂၄ ခုနှစ်၊ ဇူလိုင် ၃၀ ရက် မွန်းလွဲ ၁ နာရီခန့်က ရန်ကုန်တိုင်းဒေသကြီး၊ ဒဂုံမြို့သစ်(တောင်ပိုင်း) မြို့နယ်၌ မိုးရွာသွန်းမှုကြောင့် (၅၆)ရပ်ကွက်၊ ရတနာထိပ်ခေါင်လမ်းတွင် အမြင့် ၅၀ ပေ၊ လုံးပတ် ခြောက်ပေခွဲခန့်ရှိ ကုက္ကိုပင်သည် မြေပွ၍ လဲကျမှုဖြစ်ပွားကြောင်း သတင်းရရှိသဖြင့် ဒဂုံမြို့သစ်(တောင်ပိုင်း) မြို့နယ်မီးသတ်စခန်းမှ မီးသတ်တပ်ဖွဲ့ဝင်များသည် စည်ပင်ပန်းဥယျာဉ်အဖွဲ့များနှင့်ပူးပေါင်း၍ ရှင်းလင်းရေးလုပ်ငန်းများဆောင်ရွက်ခဲ့ရာ ညနေ ၄ နာရီ ၂၀ မိနစ်တွင် ပြီးစီးခဲ့ပြီး အဆိုပါဖြစ်စဉ်ကြောင့် လူထိခိုက်ဒဏ်ရာရရှိမှုနှင့် ပစ္စည်းပျက်စီးဆုံးရှုံးမှု မရှိကြောင်း သတင်းရရှိပါသည်။
