ပဲခူးတိုင်းဒေသကြီး၊ ပဲခူးမြို့တွင် ပဲခူးမြစ်ရေမြင့်တက်မှုကြောင့် အမှတ်(၃) အခြေခံပညာအထက်တန်းကျောင်းနှင့် အခြေခံပညာအလယ်တန်းကျောင်း(ခွဲ) အတွင်း ရေဝင်ရောက်မှုဖြစ်ပွားခဲ့ပြီး ရေပြန်လည်ကျဆင်းသွားသဖြင့် တင်ကျန်ခဲ့သော နုန်းမြေများနှင့် အမှိုက်များအား သန့်ရှင်းရေး

    ပဲခူးတိုင်းဒေသကြီး၊ ပဲခူးမြို့တွင် မိုးသည်းထန်စွာရွာသွန်း၍ ပဲခူးမြစ်ရေမြင့်တက်မှုကြောင့် ရေဝင်ရောက်မှုဖြစ်ပွားခဲ့ပြီး ၂၀၂၄ ခုနှစ်၊ ဩဂုတ် ၄ ရက်တွင် ရေပြန်လည်ကျဆင်းသွားသဖြင့် ပဲခူးမြို့၊ ပန်းလှိုင်ရပ်ကွက်ရှိ အမှတ်(၃) အခြေခံပညာအထက်တန်းကျောင်းနှင့် မြို့တွင်းကြီးရပ်ကွက်ရှိ အခြေခံပညာအလယ်တန်းကျောင်း(ခွဲ)တို့တွင် တင်ကျန်ခဲ့သော နုန်းမြေများနှင့် အမှိုက်များအား နံနက် ၈ နာရီ ၃၀ မိနစ်ခန့်က ပဲခူးတိုင်းဒေသကြီးမီးသတ်ဦးစီးမှူးရုံးနှင့် ပဲခူးမြို့နယ်မီးသတ်စခန်းတို့မှ မီးသတ်တပ်ဖွဲ့ဝင်များသည် မီးသတ်ယာဉ် နှစ်စီးဖြင့် သက်ဆိုင်ရာ အဖွဲ့အစည်းများနှင့်ပူးပေါင်း၍ သန့်ရှင်းရေး လုပ်ငန်းများသွားရောက်ကူညီဆောင်ရွက်ခဲ့ရာ မွန်းလွဲ ၁၂ နာရီ ၃၀ မိနစ်တွင် ပြီးစီးခဲ့ကြောင်း သတင်းရရှိပါသည်၊၊