၂၀၂၄ ခုနှစ်၊ စက်တင်ဘာ ၁၀ ရက် မွန်းလွဲ ၁၂ နာရီ ၃၀ မိနစ်ခန့်က ရန်ကုန်တိုင်းဒေသကြီး၊ ဗဟန်းမြို့နယ်၊ ဆရာစံရပ်ကွက်၊ ကမ္ဘာအေးဘုရားလမ်း၊ လမ်းနီလေးမှတ်တိုင်အနီးတွင် လုံးပတ် သုံးပေ၊ အမြင့် ၄၀ ပေခန့်ရှိ စိန်ပန်းပင်သည် မိုးရွာသွန်းမှုကြောင့် မြေပွ၍လဲကျပြီး အနီးရှိ ကားနှစ်စီးပေါ်သို့ ပိမိမှု ဖြစ်ပွားကြောင်းသတင်းရရှိသဖြင့် စမ်းချောင်းမြို့နယ်မီးသတ်စခန်းမှ မီးသတ်တပ်ဖွဲ့ဝင်များသည် ရှာဖွေ ကယ်ဆယ်ရေးယာဉ် တစ်စီးဖြင့် ရှင်းလင်းရေးလုပ်ငန်းများ ဆောင်ရွက်ခဲ့ရာ မွန်းလွဲ ၁ နာရီ ၃၅ မိနစ်တွင် လုပ်ငန်းဆောင်ရွက်ပြီးစီးခဲ့ပါသည်။
အဆိုပါဖြစ်စဉ်ကြောင့် မော်တော်ယာဉ်နှစ်စီး၏ ကားအမိုး အနည်းငယ်ပိန်ချိုင့်ခဲ့ကြောင်းနှင့် လူထိခိုက်ဒဏ်ရာရရှိမှု မရှိပါကြောင်း သတင်းရရှိပါသည်။
