မကွေးတိုင်းဒေသကြီး၊ မြို့သစ်မြို့နယ်၊ ကွက်သစ်ရပ်ကွက်၊ မြမဥ္ဇူလမ်း၌ သစ်ပင်လဲကျမှုဖြစ်ပွားသဖြင့် ရှင်းလင်းရေးလုပ်ငန်းများ ဆောင်ရွက်မှု

     ၂၀၂၄ ခုနှစ်၊ စက်တင်ဘာ ၂၀ ရက် နံနက် ၇ နာရီ ၄၀ မိနစ်ခန့်က မကွေးတိုင်းဒေသကြီး၊ မြို့သစ် မြို့နယ်၊ ကွက်သစ်ရပ်ကွက်၊ မြမဥ္ဇူလမ်း၌ အမြင့် ၄၃ ပေ၊ လုံးပတ် ၃ ပေခန့်ရှိ မန်ကျည်းပင်သည် မိုးသည်းထန်စွာရွာသွန်းမှုကြောင့် မြေပွ၍လဲကျပြီး လမ်းပိတ်ဆို့မှုဖြစ်ပွားကြောင်း သတင်းရရှိသဖြင့် မြို့သစ်မြို့နယ်မီးသတ်စခန်းမှ မီးသတ်တပ်ဖွဲ့ဝင်များသည် မီးသတ်ယာဉ် တစ်စီးဖြင့် ရှင်းလင်းရေးလုပ်ငန်းများဆောင်ရွက်ခဲ့ရာ နံနက် ၁၁ နာရီ ၅၅ မိနစ်တွင် လုပ်ငန်းဆောင်ရွက်ပြီးစီးခဲ့ပြီး အဆိုပါဖြစ်စဉ်ကြောင့် လူထိခိုက်ဒဏ်ရာရရှိမှုနှင့် ပစ္စည်းပျက်စီးဆုံးရှုံးမှု မရှိကြောင်း သတင်းရရှိပါသည်။