၂၀၂၄ ခုနှစ်၊ စက်တင်ဘာ ၂၃ ရက် နံနက် ၇ နာရီ ၁၇ မိနစ်ခန့်က မကွေးတိုင်းဒေသကြီး၊ မင်းဘူး ခရိုင်၊ မင်းဘူးမြို့နယ်၊ မင်းဘူး-စကုကားလမ်းတွင် အမြင့် ၅၅ ပေ၊ လုံးပတ် လေးပေခန့်ရှိ ထနောင်းပင်သည် မိုးသည်းထန်စွာရွာသွန်းမှုကြောင့် မြေပွ၍လဲကျပြီး လမ်းပိတ်ဆို့မှုဖြစ်ပွားကြောင်း သတင်းရရှိသဖြင့် စကုနယ်မြေမီးသတ်စခန်းမှ မီးသတ်တပ်ဖွဲ့ဝင်များသည် မီးသတ်ယာဉ် တစ်စီးဖြင့် ရှင်းလင်းရေးလုပ်ငန်းများဆောင်ရွက်ခဲ့ရာ နံနက် ၈ နာရီ ၃၀ မိနစ်တွင် လုပ်ငန်းဆောင်ရွက်ပြီးစီးခဲ့ပါသည်။
အဆိုပါဖြစ်စဉ်ကြောင့် လူထိခိုက်ဒဏ်ရာရရှိမှုနှင့် ပစ္စည်းပျက်စီးဆုံးရှုံးမှုမရှိကြောင်း သတင်းရရှိပါသည်။
