မန္တလေးတိုင်းဒေသကြီး၊ ဝမ်းတွင်းမြို့နယ်၌ မိုးသည်းထန်စွာရွာသွန်းမှုကြောင့် ရေဝင်ရောက်မှုဖြစ်ပွားခဲ့ကာ ရေပြန်လည်ကျဆင်းသွားသော ရိုးစုံကျေးရွာအုပ်စု၊ သပြေသာကျေးရွာရှိ ဇမ္ဗူဒီပါဘုန်းတော်ကြီး ကျောင်းဝင်းအတွင်း တင်ကျန်ခဲ့သော နုန်းမြေများ၊ အမှိုက်များအား ၂၀၂၄ ခုနှစ်၊ စက်တင်ဘာ ၂၄ ရက် နံနက် ၁၀ နာရီ၌ ဝမ်းတွင်းမြို့နယ်မီးသတ်စခန်းနှင့် လျှော်ပင်နယ်မြေမီးသတ်စခန်းတို့မှ မီးသတ်တပ်ဖွဲ့ဝင်များသည် မီးသတ်ယာဉ် တစ်စီးဖြင့် ရှင်းလင်းရေးလုပ်ငန်းများ သွားရောက်ကူညီဆောင်ရွက်ခဲ့ရာ မွန်းလွဲ ၁ နာရီတွင် လုပ်ငန်းဆောင်ရွက် ပြီးစီးခဲ့ပါသည်၊၊
