ရန်ကုန်တိုင်းဒေသကြီး၊ ကြည့်မြင်တိုင်မြို့နယ်၊ မကျည်းတန်းတောင်(အရှေ့)ရပ်ကွက်၊ အထက်ကြည့်မြင်တိုင်လမ်းနှင့် ဦးကြွယ်ဟိုးလမ်းထောင့်အနီး မီးရထားသံလမ်းဘက်ခြမ်းတွင် သစ်ပင်လဲကျမှု ဖြစ်ပွားသဖြင့် ရှင်းလင်းရေးလုပ်ငန်းများ ဆောင်ရွက်မှု

     ၂၀၂၄ ခုနှစ်၊ စက်တင်ဘာ ၂၄ ရက် နံနက် ၆ နာရီ ၃၀ မိနစ်ခန့်က ရန်ကုန်တိုင်းဒေသကြီး၊ ကြည့်မြင်တိုင်မြို့နယ်၊ မကျည်းတန်းတောင်(အရှေ့)ရပ်ကွက်၊ အထက်ကြည့်မြင်တိုင်လမ်းနှင့် ဦးကြွယ်ဟိုး လမ်းထောင့်အနီး မီးရထားသံလမ်းဘက်ခြမ်းတွင် အမြင့် ၅၀ ပေ၊ လုံးပတ် ငါးပေခန့်ရှိ ကုက္ကိုပင်သည် မိုးသည်းထန်စွာရွာသွန်းမှုကြောင့် မြေပွ၍လဲကျပြီး လမ်းပိတ်ဆို့မှုဖြစ်ပွားကြောင်း သတင်းရရှိသဖြင့် ကြည့်မြင်တိုင်မြို့နယ်မီးသတ်စခန်းမှ  မီးသတ်တပ်ဖွဲ့ဝင်များသည် သက်ဆိုင်ရာအဖွဲ့အစည်းများနှင့် ပူးပေါင်း၍ မီးသတ်ယာဉ် တစ်စီးဖြင့် ရှင်းလင်းရေးလုပ်ငန်းများဆောင်ရွက်ခဲ့ရာ နံနက် ၇ နာရီ ၁၄ မိနစ်တွင် လုပ်ငန်းဆောင်ရွက် ပြီးစီးခဲ့ပါသည်။
      အဆိုပါဖြစ်စဉ်ကြောင့် လူထိခိုက်ဒဏ်ရာရရှိမှုနှင့် ပစ္စည်းပျက်စီးဆုံးရှုံးမှုမရှိကြောင်း သတင်းရရှိပါသည်။