၂၀၂၄ ခုနှစ်၊ စက်တင်ဘာ ၂၅ ရက် မွန်းလွဲ ၂ နာရီခန့်က မန္တလေးတိုင်းဒေသကြီး၊ ပြင်ဦးလွင်မြို့နယ်၊ ရပ်ကွက်ကြီး(၆)၊ သစ်တောလမ်းတွင် ပိုင်ရှင် ဦးစိုးလွင်ဦး၏ နေအိမ်ခြံဝင်းတွင်းရှိ ၁၅x၂၀ ပေ၊ သွပ်မိုး၊ ထရံကာ၊ ပျဉ်ခင်း တစ်ထပ် ပစ္စည်းဟောင်းများသိုလှောင်သည့် အဆောက်အအုံတွင် သွယ်တန်းထားသော ဝိုင်ယာကြိုးပေါက်ပြဲပြီး စုပုံထားသော စက္ကူဂျပ်ဖာဟောင်းများပေါ်သို့ မီးပွားကျ၍ မီးစတင်လောင်ကျွမ်းမှုဖြစ်ပွားကြောင်း သတင်းရရှိသဖြင့် ပြင်ဦးလွင်ခရိုင်၊ မြို့နယ်မီးသတ်စခန်းများမှ မီးသတ်တပ်ဖွဲ့ဝင်များသည် မီးသတ်ယာဉ် သုံးစီးဖြင့် သွားရောက်မီးငြှိမ်းသတ်ခဲ့ရာ မွန်းလွဲ ၂ နာရီ ၁၅ မိနစ်တွင် မီးငြိမ်းခဲ့ပါသည်။
အဆိုပါမီးလောင်မှုကြောင့် ၁၅x၂၀ ပေ၊ သွပ်မိုး၊ ထရံကာ၊ ပျဉ်ခင်း တစ်ထပ် အဆောက်အအုံ တစ်လုံးနှင့် စက္ကူဂျပ်ဖာဟောင်းများ မီးလောင်ဆုံးရှုံးခဲ့ကြောင်းနှင့် ပိုင်ရှင် ဦးစိုးလွင်ဦးအား ပြင်ဦးလွင်မြို့မရဲစခန်းမှ အမှုဖွင့်အရေးယူထားကြောင်း သတင်းရရှိပါသည်။
