မကွေးတိုင်းဒေသကြီး၊ မင်းဘူးမြို့နယ်၊ အမှတ်(၁)ရပ်ကွက်၊ စက္ကိန်းတဲရပ်၊ စာတိုက်ရှေ့လမ်းပေါ်တွင် သစ်ပင်လဲကျမှုဖြစ်ပွားသဖြင့် ရှင်းလင်းရေးလုပ်ငန်းများ ဆောင်ရွက်မှု 

     ၂၀၂၄ ခုနှစ်၊ အောက်တိုဘာ ၈ ရက် မွန်းလွဲ ၁ နာရီခန့်က မကွေးတိုင်းဒေသကြီး၊ မင်းဘူးမြို့နယ်၊ အမှတ်(၁)ရပ်ကွက်၊ စက္ကိန်းတဲရပ်၊ စာတိုက်ရှေ့လမ်းပေါ်တွင် လုံးပတ် ၁၂ ပေ၊ အမြင့် ၈၀ ပေခန့်ရှိ မဲဇလီပင်သည် မိုးရွာသွန်းမှုကြောင့် မြေပွ၍လဲကျမှုဖြစ်ပွားကြောင်း သတင်းရရှိသဖြင့် မင်းဘူးခရိုင်၊ မြို့နယ်မီးသတ်စခန်းများမှ မီးသတ်တပ်ဖွဲ့ဝင်များသည် မီးသတ်ယာဉ် တစ်စီးဖြင့် ရှင်းလင်းရေးလုပ်ငန်းများ ဆောင်ရွက်ခဲ့ရာ မွန်းလွဲ ၂ နာရီ ၁၀ မိနစ်တွင် လုပ်ငန်းဆောင်ရွက်ပြီးစီးခဲ့ပြီး အဆိုပါဖြစ်စဉ်ကြောင့် လူထိခိုက်ဒဏ်ရာရရှိမှုနှင့် ပစ္စည်းပျက်စီးဆုံးရှုံးမှု မရှိကြောင်း သတင်းရရှိပါသည်။