၂၀၂၄ ခုနှစ်၊ နိုဝင်ဘာ ၁၇ ရက် နံနက် ၉ နာရီ ၃၅ မိနစ်ခန့်က မွန်ပြည်နယ်၊ ကျိုက်ထိုမြို့နယ်၊ ဘိုက္ကားကျေးရွာအုပ်စု၊ ရန်ကုန်-မော်လမြိုင်ကားလမ်းဘေး၊ မိုင်တိုင်အမှတ် ၁၀၃/၁ အနီး ရော်ဘာခြံအတွင်းရှိ ၂၀x၁၅ ပေ၊ သွပ်မိုး၊ အုတ်ညှပ် ရော်ဘာမှိုင်းခံရုံ အဆောက်အအုံတွင် ရော်ဘာပြား ပေါင် ၇၀၀ ခန့် မီးအပူပေးရာမှ အပူချိန်များပြီး ရော်ဘာပြားများအား မီးကူးစက်လောင်ကျွမ်းမှုဖြစ်ပွားကြောင်း သတင်းရရှိသဖြင့် ကျိုက်ထိုမြို့နယ်မီးသတ်စခန်းမှ မီးသတ်တပ်ဖွဲ့ဝင်များသည် မီးသတ်ယာဉ် သုံးစီးဖြင့် သွားရောက်မီးငြှိမ်းသတ်ခဲ့ရာ နံနက် ၉ နာရီ ၅၂ မိနစ်တွင် မီးငြိမ်းခဲ့ပါသည်။
အဆိုပါမီးလောင်မှုကြောင့် ၂၀x၁၅ ပေ၊ သွပ်မိုး၊ အုတ်ညှပ် ရော်ဘာမှိုင်းခံရုံအဆောက်အအုံ၏ အမိုးအနည်းငယ်နှင့် ရော်ဘာပြား ပေါင် ၇၀၀ ခန့် မီးလောင်ဆုံးရှုံးခဲ့ပြီး ရော်ဘာမှိုင်းခံရုံတာဝန်ခံ ဦးမြင့်ကျော်အား ကျိုက်ထိုမြို့မရဲစခန်းမှ အမှုဖွင့်အရေးယူထားကြောင်း သတင်းရရှိပါသည်။
