တနင်္သာရီတိုင်းဒေသကြီး၊ ကော့သောင်းမြို့နယ်၊ အဏ္ဏဝါရပ်ကွက်၊ ကမ်းနားလမ်းရှိ ကုန်စုံဆိုင် မီးလောင်မှု 

     ၂၀၂၄ ခုနှစ်၊ နိုဝင်ဘာ ၂၀ ရက် မွန်းလွဲ ၃ နာရီ ၄၀ မိနစ်ခန့်က တနင်္သာရီတိုင်းဒေသကြီး၊ ကော့သောင်းမြို့နယ်၊ အဏ္ဏဝါရပ်ကွက်၊ ကမ်းနားလမ်းရှိ ပိုင်ရှင် ဦးအေးဝင်း၏ ၅၀x၃၀ ပေ၊ သွပ်မိုး၊ ကွန်ကရစ်ခင်း RC နှစ်ထပ် “Big Boss” ကုန်စုံဆိုင်အဆောက်အအုံ၏ အပေါ်ထပ်တွင် အင်ဗာတာဖြင့် ဘက်ထရီအိုးအားသွင်းရာမှ အပူလွန်ကဲပြီး မီးစတင်လောင်ကျွမ်းမှုဖြစ်ပွားကြောင်း သတင်းရရှိသဖြင့်  ကော့သောင်းခရိုင်၊ မြို့နယ်မီးသတ်စခန်းမှ မီးသတ်တပ်ဖွဲ့ဝင်များသည် မီးသတ်ယာဉ် ရှစ်စီးဖြင့် မီးငြှိမ်းသတ်ခဲ့ရာ ညနေ ၄ နာရီ ၁၀ မိနစ်တွင် မီးငြိမ်းခဲ့ပါသည်။
     အဆိုပါမီးလောင်မှုကြောင့် ၅၀x၃၀ ပေ၊ သွပ်မိုး၊ ကွန်ကရစ်ခင်း RC နှစ်ထပ် “Big Boss” ကုန်စုံဆိုင် အဆောက်အအုံ၏ အပေါ်ထပ်၊ ကုန်စုံပစ္စည်းများ၊ အင်ဗာတာ တစ်လုံးနှင့် ဘက်ထရီအိုး တစ်လုံး မီးလောင်ဆုံးရှုံးခဲ့ပြီး ပိုင်ရှင် ဦးအေးဝင်းအား ကော့သောင်းမြို့မရဲစခန်းမှ အမှုဖွင့်အရေးယူထားကြောင်း သတင်းရရှိပါသည်။