ရန်ကုန်တိုင်းဒေသကြီး၊ လှိုင်သာယာ(အနောက်ပိုင်း)မြို့နယ်၌ ယာဉ်တိုက်မှုဖြစ်ပွား၍ အမျိုးသမီး တစ်ဦး သေဆုံးပြီး အမျိုးသား တစ်ဦးနှင့် အမျိုးသမီး လေးဦး ဒဏ်ရာရရှိ

      ရန်ကုန်တိုင်းဒေသကြီး၊ လှိုင်သာယာ(အနောက်ပိုင်း)မြို့နယ်၌ ၂၀၂၅ ခုနှစ်၊ မေ ၁၇ ရက်က ယာဉ်တိုက်မှုဖြစ်ပွား၍ အမျိုးသမီး တစ်ဦး သေဆုံးပြီး အမျိုးသား တစ်ဦးနှင့် အမျိုးသမီး လေးဦး ဒဏ်ရာ ရရှိခဲ့ကြောင်း သိရသည်။
    ဖြစ်စဉ်မှာ မေ ၁၇ ရက် နံနက် ၆ နာရီ ၄၅ မိနစ်တွင် ရန်ကုန်တိုင်းဒေသကြီး၊ လှိုင်သာယာ (အနောက်ပိုင်း) မြို့နယ်၊ အနော်ရထာလမ်းပေါ်၌ ယာဉ်တိုက်မှုဖြစ်ပွားကြောင်းသတင်းအရ အမှတ်(၆၈) ယာဉ်ထိန်းရဲတပ်ဖွဲ့စုမှ တပ်ဖွဲ့ဝင်များက သွားရောက်စစ်ဆေးခဲ့ရာ အဆိုပါလမ်းအတိုင်း ရွှေပြည်သာ မြို့နယ်၊ (၁၈)ရပ်ကွက်နေ ကျော်ရဲလှိုင်(၃၀)နှစ်မောင်းနှင်လာသော BGO-1 9K-xxxx TOYOTA HILUX VIGO ယာဉ်သည် ရွှေရင်အေးကျောင်းလမ်းထိပ်အလွန်အရောက်၌ အရှိန်မထိန်းနိုင်ဘဲ လမ်းဘေးတွင် စက်ဘီးစီးနင်းလာသည့် လှိုင်သာယာ(အနောက်ပိုင်း)မြို့နယ်၊ (၁၇)ရပ်ကွက်နေ ဦးသန်းဦး(၅၆)နှစ်အား ဝင်တိုက်မိပြီး လမ်းဘေးတွင်ရပ်တန့်ထားသော သန့်ဇင်လင်းမောင်းနှင်ပြီး အထည်ချုပ်စက်ရုံဝန်ထမ်းများ ဖြစ်သော လှိုင်သာယာ(အနောက်ပိုင်း)မြို့နယ်၊  (၁၇)ရပ်ကွက်နေ မဖြူသဇင်သင်း(၂၃)နှစ်၊ (၂၀) ရပ်ကွက် နေသူများဖြစ်သည့် မသင်းသင်းနွယ်(၂၇)နှစ်၊ မအိသဉ္ဇာ(၂၀)နှစ်၊ မသက်မွန်အေး(၂၂)နှစ်နှင့် မနေခြည်နွေး (၂၀)နှစ်တို့ လိုက်ပါလာသော YGN-11 4E-xxxx KIA BONGO II ယာဉ်အား ဝင်တိုက်မိခဲ့သဖြင့် မဖြူသဇင်သင်း တွင် ဒဏ်ရာများရရှိကာ သေဆုံးခဲ့ပြီး ဦးသန်းဦး၊ မသင်းသင်းနွယ်၊ မအိသဉ္ဇာ၊ မသက်မွန်အေးနှင့် မနေခြည်နွေးတို့တွင် ဒဏ်ရာများ အသီးသီးရရှိခဲ့သဖြင့် ကျော်ရဲလှိုင် အား သောင်ကြီးနယ်မြေရဲစခန်း ယာဉ်(ပ)၈/၂၀၂၅၊ ရာဇသတ်ကြီးပုဒ်မ ၃၀၄-က/ ၃၃၈/ ၃၃၇/ ၂၇၉ ဖြင့် အမှုဖွင့်အရေးယူထားကြောင်း သတင်းရရှိသည်။

 
ရန်ကုန်တိုင်းဒေသကြီး၊ လှိုင်သာယာ(အနောက်ပိုင်း)မြို့နယ်၌ ယာဉ်တိုက်မှုဖြစ်ပွား၍ အမျိုးသမီး တစ်ဦး သေဆုံးပြီး အမျိုးသား တစ်ဦးနှင့် အမျိုးသမီး လေးဦး ဒဏ်ရာရရှိမှုမှ မှတ်တမ်းဓာတ်ပုံ။