ရှမ်းပြည်နယ်၊ လွိုင်လင်မြို့၌ ငွေကျပ် သိန်း ၁,၂၁၁ တန်ဖိုးရှိ စိတ်ပြောင်းဆေးဝါးများ ဖမ်းဆီးရမိ

     ၂၀၂၅ ခုနှစ်၊ မေ ၂၀ ရက် နံနက် ၉ နာရီ ၃၀ မိနစ်တွင် မူးယစ်ဆေးဝါးတားဆီးနှိမ်နင်းရေးရဲတပ်ဖွဲ့မှ တပ်ဖွဲ့ဝင်များပါဝင်သော ပူးပေါင်းအဖွဲ့မှ ရှမ်းပြည်နယ်၊ လွိုင်လင်မြို့၊ ရပ်ကွက်(၂)၊ လွိုင်လင်- တောင်ကြီးသွား ကားလမ်း၌ လွိုင်လင်မှ တောင်ကြီးသို့ စိုင်းကျော်လွင်ဦး မောင်းနှင်ပြီး နန်းယုမ့်ခမ်း လိုက်ပါလာသော SHN-18/7N-XXXX TOYOTA CROWN အမျိုးအစား အဖြူရောင်မော်တော်ယာဉ်အား ရပ်တန့်စစ်ဆေးရာ ယာဉ်နောက်ခန်းအတွင်း သိုဝှက်သယ်ဆောင်လာသည့် စိတ်ပြောင်းဆေးဝါးများ ဖြစ်သည့် Happy Water ၁ ဒသမ ၁ ကီလို (တစ်ကီလိုလျှင် ငွေကျပ် သိန်း ၁,၁၀၀ နှုန်းဖြင့် ၎င်းဒေသ ကာလတန်ဖိုး ငွေကျပ် သိန်း ၁,၂၁၀)နှင့် ကက်တမင်း ၀ ဒသမ ၀၁ ကီလို (တစ်ကီလိုလျှင် ငွေကျပ် သိန်း ၁၀၀ နှုန်းဖြင့် ၎င်းဒေသကာလတန်ဖိုး ငွေကျပ် ၁ သိန်း)တို့ကို ဖမ်းဆီးရမိခဲ့ပြီး ကွင်းဆက်အရ မွန်းလွဲ ၂ နာရီ ၃၀ မိနစ်တွင် စိတ်ပြောင်းဆေးဝါးများ လက်ခံမည့်သူ စွမ်းထက်အား တောင်ကြီးမြို့၊ အရှေ့မြို့ပတ်လမ်းတွင် ဖမ်းဆီးရမိသဖြင့် စိုင်းကျော်လွင်ဦး(၂၇)နှစ်၊ နန်းယုမ့်ခမ်း(၁၉)နှစ်နှင့် စွမ်းထက်(၂၆)နှစ်တို့အား မူးယစ်ဆေးဝါးနှင့်စိတ်ကိုပြောင်းလဲစေသောဆေးဝါးများဆိုင်ရာဥပဒေအရ အမှုဖွင့်အရေးယူထားကြောင်း သတင်းရရှိပါသည်။

ပြစ်မှုကျူးလွန်သူများအား ဖမ်းဆီးရမိသည့် စိတ်ပြောင်းဆေးဝါးများနှင့်အတူ တွေ့ရစဉ်။