၂၀၂၅ ခုနှစ်၊ မေ ၂၉ ရက်က ပဲခူးတိုင်းဒေသကြီး၊ သာယာဝတီမြို့နယ်၌ ရထားနှင့် ဆိုင်ကယ် တိုက်မှုဖြစ်ပွား၍ အမျိုးသား တစ်ဦး ထိခိုက်ဒဏ်ရာရရှိခဲ့ကြောင်း သိရသည်။
ဖြစ်စဉ်မှာ မေ ၂၉ ရက် နံနက် ၁၀ နာရီ ၄၅ မိနစ်တွင် ပဲခူးတိုင်းဒေသကြီး၊ သာယာဝတီမြို့နယ်၊ သုံးဆယ်မြို့၊ ဆရာစံမြို့သစ်ရပ်ကွက်ရှိ ရထားလမ်းမိုင်တိုင်အမှတ် ၆၇ မိုင် ၁၇ ဖာလုံနှင့် ၁၈ ဖာလုံကြား၌ ရထားတိုက်မှုဖြစ်ပွားကြောင်း သတင်းအရ သာယာဝတီမြို့မရဲစခန်းမှ တပ်ဖွဲ့ဝင်များပါဝင်သော ပူးပေါင်း အဖွဲ့က သွားရောက်စစ်ဆေးခဲ့ရာ သာယာဝတီမြို့နယ်၊ စိန်ကတော်ကျေးရွာနေ ဦးသိန်းဇော်(၅၁)နှစ်သည် ဆရာစံမြို့သစ်ရပ်ကွက်မှ ရန်ကုန်-ပြည်လမ်းပေါ်သို့ တစ်ဦးတည်း ဆိုင်ကယ်ဖြင့် လမ်းဖြတ်ကူးစဉ် ရန်ကုန်မှ ပြည်သို့ မောင်းနှင်လာသည့် အမှတ်(၆၃) အဆန်ရထားနှင့် ဆိုင်ကယ်တိုက်မိခဲ့သဖြင့် ထိခိုက်ဒဏ်ရာများ ရရှိခဲ့သောကြောင့် ဦးသိန်းဇော် အား သုံးဆယ်နယ်မြေရဲစခန်း (ပ)၇၅/၂၀၂၅၊ ရထား ပို့ဆောင်ရေးလုပ်ငန်းဥပဒေပုဒ်မ ၈၅ ဖြင့် အမှုဖွင့်အရေးယူထားကြောင်း သတင်းရရှိပါသည်။
