၂၀၂၅ ခုနှစ်၊ ဇန်နဝါရီ ၂၀ ရက် နံနက် ၅ နာရီ ၃၀ မိနစ်ခန့်က မန္တလေးတိုင်းဒေသကြီး၊ မဟာအောင်မြေခရိုင်၊ ချမ်းအေးသာစံမြို့နယ်၊ ရန်မျိုးလုံရပ်ကွက်၊ ၃၂x၇၃ လမ်းထောင့်ရှိ ပိုင်ရှင် ဒေါ်သန်းသန်းဦး၏ ၂၀x၁၅ ပေ၊ သွပ်မိုး၊ ပျဉ်ထောင်၊ နံကပ် နှစ်ထပ် နေအိမ်အပေါ်ထပ်ရှိ ဘုရားစင်တွင် ဖယောင်းတိုင်ဖြင့် ဘုရားမီးပူဇော်ထားရာမှ ဖယောင်းတိုင်လဲကျပြီး အခင်းအထပ်သားသို့ မီးကူးစက်လောင်ကျွမ်းမှုဖြစ်ပွားကြောင်း သတင်းရရှိသဖြင့် ချမ်းအေးသာစံမြို့နယ်မီးသတ်စခန်းမှ မီးသတ်တပ်ဖွဲ့ဝင်များသည် မီးသတ်ယာဉ် ၁၂ စီးဖြင့် မီးငြှိမ်းသတ်ခဲ့ရာ နံနက် ၅ နာရီ ၄၁ မိနစ်တွင် မီးငြိမ်းခဲ့ပါသည်။
အဆိုပါမီးလောင်မှုကြောင့် ၂၀x၁၅ ပေ၊ သွပ်မိုး၊ ပျဉ်ထောင်၊ နံကပ် နှစ်ထပ်နေအိမ်၏ မျက်နှာကြက် မီးလောင်ဆုံးရှုံးခဲ့ပြီး ပိုင်ရှင် ဒေါ်သန်းသန်းဦးအား ချမ်းအေးသာစံမြို့နယ်၊ အမှတ်(၃)နယ်မြေရဲစခန်းမှ အမှုဖွင့်အရေးယူထားကြောင်း သတင်းရရှိပါသည်။
